Per:Segulsvið

Jólaóskalisti Pers er þéttur þessi jólin. Ekki tæmandi en vel þeginn. Röntgengeislar gætu mögulega bjargað heilsu Pers sem sækir í ástina.

Árni Þór Árnason: Teikningar
Lárus Sigurðsson: Rafgítar skraut
Ólafur Josephsson: Trommur, kassagítar, bassi, hljómborð, hristur, söngur
Svanur Magnús: Texti, söngur

Jólakveðjur til aðventunefndar Bændablaðsins

Ég óska mér tólf tonna beltagröfu, Smurolíuhandbók fylgir með
Bakkói á Hitachi traktorsgröfu, Landbúnaðartæki til sölu
Glussadrifna snjótönn á skot-bómulyftara, Gömul steypuhrærivél
Gott væri að eiga kraftmikinn trjákurlara, Og ódrepandi Hondu CR-V

Hugheilar Jólakveðjur frá Per:Segulsvið,
Traktorsdrifnar rafstöðvar, fellanleg rúlluhlið,
Með einlægum óskum, Um glussa jóla-frið

Mig langar í glussa knúnar skólpdælur, Með sex lítra forþjöppu
Bensíndrifin staura bor, bása- og drenmottur, fjóra Continental hjólbarða
Öfluga Yamaha ferðarafstöð, sóluð vetrardekk, sterk og vönduð smíð
Samstæða standlampa úr eik eða tekk, við eigum fyrirliggjandi…
Hágæða spæni og vel þurrkaða spón köggla, Nú aftur á tilboði
Gott væri ef þú gæfir mér sænska vefstóla
Og ódrepandi Hondu CR-V

Hugheilar Jólakveðjur frá Per:Segulsvið
Lítið ekin Scania, Niðursoðin svið
Með einlægum óskum um Glussajóla-frið
Svefnbekkur frá Kristjáni, Weckman veggjastál,
Brakandi ferskt og nýupptekið rósakál
Með einlægum óskum um Glussajóla-frið
Hugheilar Jólakveðjur frá Per: Segulsvið

Röntgen um jólin

Ég ætla að kaupa frí-miða í röntgen, Og láta tékka vel á beinunum
Ég er mögulega viðbeinsbrotinn, lenti illa í jólasveininum 

Ég var að opna ostasnakk, og guacamole ídýfu
Þegar ég var sleginn niður, með vintage Yucatan smáskífu

Ég býð þér í röngten um jólin, drífðu þig í Domus medica
Saman í röntgen um jólin, síðan á Yucatan tónleika

Ég sé að flest þín bein eru prýðileg og sterk. 
Og ef ég geislaði þau, það yrði tímamótaverk

Um axlir mínar renna röntgengeislar
Þessi rannsókn er all ítarleg
Við gætum farið í ómskoðun
Almenn heilsugæsla er yndisleg
Ég vona að ég sé ekki verulega illa brotinn
Því að ég finn það vel, að ég er orðinn ástfanginn

Ég býð þér í röntgen um jólin, hittumst í Domus medica
Saman í röntgen um jólin, síðan á Yucatan tónleika

Ég sé að flest þín bein eru prýðileg og sterk. 
Og ef ég geislaði þau, það yrði tímamótaverk

‍

Glussa-nótt

Það var eitt sinn um aðventu, Ég var á gangi um vetrarnót
Heyrði prest þá skríkja dátt, Að öðru leyti allt var hljótt
Ég leit um öxl og svei mér ei, ef ekki Drottinn þar, seisei
ég sá með glussa-svuntu, við glussa-kar, og dýfð í  þar presti´á aðventu

Það var um miðja aðventu
Drottinn með glussa-svuntu. Stóð yfir glussa-brunni
Glussa heilögum hann jós við engils-undirleik banjós,
sóknar, glussi gældi við prest , lalalala glussi gældi við prest.

Seitlaði glussi álengdar, Seint gat sá glussi talist slor
Úr skjóli handan við gamlan Dodge, Ég fylgdist með föður vor
Drottinn þynnti glussa sinn, Jós yfir sóknarprestinn
Svo húð hans myndi nærast.
Um glussabað, Hann Drottinn bað, Það presti var kærast

Það var um miðja aðventu
Drottinn með glussa-svuntu. Stóð yfir glussa-brunni
Glussa heilögum hann jós við engils-undirleik banjós, 
sóknar, glussi gældi við prest , lalalala glussi gældi við prest

Að lokum prestur í glussann grét, Drottinn í jötu lagði kút
Hann lagð´á bringu hans glussatjakk, Og glussa-vættan klút
Sá ég lokast glussa-kar, Og svo birtust bakarar
Með fullt fangið af kleinum
Þá Drottinn hvarf, En fagna varð Glussanum hreinum

Það var heilög glussanótt, Glussi Drottins flæddi hljótt
Um sóknarprestsins enni.
Seig var sú glussa-blessun, Aldrei gleyma því ég mun
hvernig, glussi gældi við prest, lalalala glussi gældi við prest