Soðkaffi

Töluvert síðan ég grét
töluvert langt síðan ég lét þig
alveg í friði, alveg friði

Þó svo ég fari
niður þennan grjótmulning og
hati þetta svæði
þá kem ég á hverju sumri

ég set upp tjaldið í myrkri
sé svo morguninn eftir að ég
tjaldaði auðvitað í mýri
vakna votur og vesæll

en hugga mig, með soðkaffi, með soðkaffi
styrki mig, hjá seiðkarli

ég hugga mig, með soðkaffi, með soðkaffi
styrki mig hjá seiðkarli, hjá seiðkarlinum góða 

krei krei greyið fór í tófuna
tók alla þessa byrði beint í skrúfuna
sér ekki eftir neinu nema nóttunum,  án þín
sér ekki eftir neinu nema dögunum, án þín

krei krei greyið fast í holunni
grefur dýpra og dýpra eftir golunni

sér ekki eftir neinu,  sér ekki eftir neinu 

skildi skikkjuna eftir
stefndi á sigdalinn
niður að viskunni
tók kaðalinn með

ég dreifi ruslinu í kringum mig
reyni að finna mynstur
týni til það besta
kveiki svo í 

ég raða ruslinu í kringum mig
reyni að finna mynstur
týni til það besta
kveiki svo í 

þú ert ég eftir að ég hitti þig
spegillinn brotinn 
sjö ár af sjálfum mér

þú ert ég
eftir að ég hitti þig
spegillinn brotinn 
sjö ár af sjálfum mér

Að vera einn

Ég vill gjarnan gefa allt af mér og
sjá svo til hvort ég fái ekki jafnt og
þarf alltaf allt að vera svona ofsalega gott?
einn plús einn eru þrjúþúsund hlutar af fallegum heimi

þú ferð allt öðruvísi að en ég
ert með plan og plan oná plan 

þarf ég að læra vera einn til að vera með þér?

afleit hugmynd að læra vera einn
ég vill ekki vera einn

ég vil ekki , vera einn 
ég kann ekki , að vera einn 
ég vil ekki , vera einn 
ég kann ekki, að vera einn 
ég vil ekki , vera einn      
ég kann ekki , að vera einn

Ég vill gjarnan gefa allt af mér og
sjá svo til hvort ég fái ekki jafnt og

Þarf alltaf allt að vera svona ofsalega gott?
tveir plús tveir varð að sjötíu smásjám, saltkorn í öllum

skyldan kallaði á fjölmargan máta
ég var orðinn að fjölskyldudáta

ég reyndi að kveðja þig með
en þá kvaddir þú mig
og allt okkar svar rann út á tíma

Hvaða fólk býr í svona blokk

Þegar ég var að dansa við þig, eins og í draumi snerist sjálfsmyndin við
ég sagði, sagaðu gat og við verðum við, ég sagaði gat og þið urðuð þið
ég sagði þér sögu, söguna um mig
ég sýndi þér mynd eftir, mynd eftir þig
ég sagði þér sögu, söguna um mig
ég sýndi þér mynd eftir mynd eftir mynd eftir mynd

12 ára ákvað ég að finna aldrei til
lífið ætti að vera tívolí, sjáið bara mig
ég vildi að ég ætti miða, en þeir eru ekki til
sumarið er hálfnað, allt er fölnað
sumarið er hálfnað, og aftur orðið kalt

hvaða fólk býr í svona blokk?
efst uppi saman í ástarsorg, 
hvaða fólk býr í svona blokk?
hvaða fólk býr í svona blokk?
efst uppi saman í ástarsorg, 
hvaða fólk býr í svona blokk?

sumarið er hálfnað

Vofusund í sálinni‍

Lofaðu mér að muna eftir mér
Í veislum úti á landi
inní tjaldi með þér

við varðeldinn
þetta bráðnandi hel 
við segjum bara sögur sem enda allar vel
gefðu mér færi ég veiði eitthvað gott
náðu í lopann
ég lita hann af lygi 

en hvað er betra en ekta saga
haldið til haga, knúin af Braga  

ég get ekki raðað og ég get ekki stillt mig
ég get ekki lagað og get ekki hyllt mig
ég man ekki lengur hver ég var
ég man ekki lengur hver ég var 

ég get ekki raðað og ég get ekki stillt mig
ég get ekki lagað og get bara hyllt þig
ég man ekki lengur hver ég er
ég man ekki lengur hver ég er

allt undir mér er orðið að svelli
og þegar allt fer þá fer það í hvelli
allt inní mér bara brak og brestir
bara brak og brestir 
ekkert eftir nema andadráttur
sem ferðast einmana um raddbönd
og böndin þau beinast að þér, og mér 

stanslaust suð og skvaldur í hausnum
skolaði út öllum heilvita lausnum
fyrir löngu fyrir löngu, fyrir alltof löngu
það eina sem ég heyri
þegar þögnin skríður inn
það eina sem ég heyri
á kvöldin og á nóttunni
þegar allir aðrir sofa
eins og vofusund í sálinni

ertu ekta? ertu ekta? ekta ekta? ertu ekta?
ertu ekta? ekta ekta? ertu ekta? ekta ekta?

ertu til? ertu ekta? ertu ekta? ekta ekta?
ertu hér? ertu ekta? ertu ekta?
ertu ennþá til?

‍

Skýjaðar stjörnur 

Leyfðu mér að vera
hér vera, hér aðeins lengur
aðeins lengur

Leyfðu mér að vera
hér vera, hér aðeins lengur
lengur uppi

ég þarf að lesa í línurnar laga mig
vera aðeins betur tilbúinn
betur búinn til

ég þarf að lesa í línurnar laga mig
krjúpa, kveða, spyrja hver bjó mig til

úúú, komdu með útá svalir
úúú, ég vill ráðstafa tíma með þér
úúú, komdu uppá þak það er hætt að snjóa
úúú, ég veit hvernig þetta fer

minntist á að þú meiðir mig
þegar þú tónar niður og talar við mig
þú veist ég vil vera hér uppi
ég vil vera hér uppi

hvernig væri að gefa okkur tíma 
til að liggja hér
skoða skýjaðar stjörnur
og bara vera kyrr

hvernig sem þetta fer 
þá vorum við hér
þá vorum við hér
hvernig sem þetta fer
þá vorum við hér

hvernig væri að gefa okkur tíma 
til að liggja hér
skoða skýjaðar stjörnur
og bara vera kyrr

engin leið að muna allan þennan himinn
engin leið að gleymekki
að gleymekki, að gleymekki

engin leið að vera til 
án þess að finna til
ég vill finna til með þér

Það gerist allt í leiðinni

Þetta gerðist allt í leiðinni
í leiðinni að ég hitti þig á leiðinni 
gerandi, verandi farandi eitthvað annað 

svo gerðist það á leiðinni 
að ég fór af leiðinni
tautandi , grátandi,  eltandi eitthvað bannað

það gerist allt í leiðinni 
allt það besta, allt það mesta 
það gerist allt í leiðinni
á leiðinni eitthvað annað
það gerist allt í leiðinni
allt það stærsta
allt það versta
það gerist allt það besta
allt það allra merkilegasta 

það gerist allt í leiðinni 
allt það besta, allt það mesta 
það gerist allt í leiðinni 
á leiðinni eitthvað annað

það gerist allt í leiðinni
allt það stærsta, allt það versta
það gerist allt það besta
allt það allra merkilegasta 

það gerist allt í leiðinni allt það besta 
allt það mesta 
það gerist allt í leiðinni 
á leiðinni eitthvað annað

það gerist allt í leiðinni
allt það stærsta
allt það versta
það gerist allt það besta
allt það allra allra merkilegasta 

og ég sé svoldið eftir því 
að taka ekki eftir því 
hvernig fólkið horfði á mig 
horfa á þig, horfa á mig
glertár í sveigðum ramma

meina ekkert með því 
að elska svona mikið
get ekki gert neitt í því 
að elska svona mikið 

ég meina ekkert með því
að elska svona mikið
ég meina ekkert sérstakt 
ég bara elska þig svo mikið 
og ég skil ekki ennþá 
og mun kannski aldrei 

það verða ný hnit til í sálinni 
í hvert sinn sem ég er með þér
í hvert sinn sem ég er með þér
verða ný hnit til í sálinni

það verða ný hnit til í sálinni 
í hvert sinn sem ég er með þér
í  hvert sinn sem ég er með þér
verða ný hnit til í sálinni

Ég átta mig á því 

fór úr liðleikanum útí skafl 
áður en ég hitti þig við torgið
ég sagði áttu setningu handa mér
Setningu handa mér til að segja
næst þegar ég er með þér?

Áttu setningu handa mér, til að segja
næst þegar ég er með þér?

Ég átta mig á því af hverju þetta er alltof seint

Snúðu raunveruleikanum við meðan ég 
geri við gamla kaktusinn þinn
Ég sagðist ætla út áðan 
en enn er ég hérna inni með mér
að hugsa um þig 
eins og þú værir hér

Ég átta mig á því af hverju þetta er alltof seint

Langtíma líkindi fín

Ég lokaði mig af
til að mála nýtt upphaf
ekki til að drukkna í og ekki til að svamla

ég lokaði mig af

signi sól og smiða framtíðarfley
til að sigla yfir, yfir til mín ég finn leið
signi sól og smíða framtíðarfley
til að sigla yfir, yfir til mín  

Og þegar saltið opnar þessi sár
mun ég glaður fella fleiri tár

Og þegar saltið opnar þessi sár
ég segi skilið við öll þessi ár

Þetta eru langtíma líkindi fín
framtíðarspá og gáfa
spáðu í það, spáðu í það, spánýtt upphaf

signi sól og smiða framtíðarfleyg
til að sigla yfir, yfir til mín ég finn leið
signi sól og smíða framtíðarfleyg
til að sigla yfir, yfir til mín